བླང་དོར་བསླབ་བྱ་འགའ།

༄།དབྱངས་ཅན་ སྒྱུ་འཕྲུལ་དྲ་བ།

{ü„ÀP-hô¼-zÇÀz-‚-ºGºü

མི་ཤེས་ཤེས་ཁུལ་ཡོན་ཏན་མིན།

ཤེས་པ་ཁོག་སྦས་སློབ་གྲོགས་མིན།

བརྩོན་པ་རྒྱུན་ཆད་འབྲས་བུ་ཆུང།

དྲན་ཤེས་མེད་ན་ཀླད་སྟོང་ཆགས།

སྐྱིན་ཚབ་མི་སྤྲོད་གཡོ་སྒྱུས་ལེན།

འཇབ་ལེན་འཕྲོག་པ་མ་བྱིན་ལེན།

ཕ་མ་དགེ་རྒན་སློབ་གྲོགས་སོགས།

མགོ་སྐོར་གཡོ་གཏམ་ཕྲ་མ་སྤོངས།

གཅིག་ལ་མ་མཐུན་རང་སྐྱོན་མིན།

མང་ལ་མ་མཐུན་གཞན་སྐྱོན་མིན།

མཐུན་སྒྲིལ་རྩ་བ་མཛའ་བརྩེ་དང༌།

ཡ་རབས་གཞི་མ་བསམ་བཟང་ཉིད།

ཤེས་རློམ་ང་རྒྱལ་ཆེ་ན་ཡར་ཐོན་དཀའ།

ཕྲག་དོག་འགྲན་སེམས་སྐྱེས་ན་ཡིད་བདེ་མེད།

གནོད་སེམས་འཚེ་བ་རང་གཞན་ཀུན་ཕུང་གཞི།

དེ་བས་དེ་ཀུན་སྐྱུང་སྒྱུར་སྤོང་ལ་འབུངས།

སྦྱང་འབྲས་གཡུར་ཟ་ལེགས་སྤྱོད་འཕེལ།

ཀུན་ལ་མཛའ་འབྲེལ་རོགས་ཕན་སྒྲུབ།

ཤེས་སྤྱོད་འཇོན་ཐང་གསུམ་ལྡན་གྱི།

མཚན་ཉིད་ཚང་ན་མཐོ་སློབ་དངོས།

སྒྲིག་ལམ་མངས་ན་འཆིང་བའི་རྒྱུ།

སྒྲིག་སྲོལ་མེད་ན་ངན་ལངས་འགྲོ

ཅི་དྲན་གང་འདོད་རང་དབང་མེད།

དམངས་གཙོ་འདོད་ན་མང་མོས་རྩིས།

རྒྱུ་མཚན་རྣལ་མའི་རྒྱབ་རྩ་མེད་པ་ཡི།

མ་འགྲིགས་མ་བཟང་སྐྱོན་གྱི་ཁ་ཕོ་ཅན།

མཐོའམ་དམའ་འམ་བར་མ་གང་ཡིན་ཡང༌།

རང་མགོ་རང་གིས་གནོན་པའི་ཁ་ཉེས་ཡིན།

རང་སྐྱོན་རང་བརྗོད་གཞན་བརྗོད་རོགས་རམ་སྟེ།

སྐྱོན་མཚང་གནད་ལ་མེ་བཙའ་འཇོག་མཁས་པ།

དེ་དག་ལམ་སྟོན་སེམས་ཀྱི་སྨན་པ་སྟེ།

མི་བསྟེན་ན་ཡང་སྨྲ་འབེབས་སུ་ཡིས་ནུས། །

༄༅།།རོལ་རྩེད་གར་གྱི་ཉམས་ལྡན་རི་དྭགས་མིག །མིག་གིས་ལྟ་བར་མི་ངོམས་ཡིད་འཕྲོག་མ། །མ་ལྟར་བརྩེ་བ་ཁྱོད་ཀྱིས་བདག་གི་ངག །ངག་དབང་ལྷ་མོ་ཉིད་དང་མཚུངས་པར་མཛོད།

ཤེས་རབ་དང་བྱམས་བརྩེའི་དྭངས་མ། སྒྲ་སྙན་དང་ལང་ཚོའི་ཡང་རྩེར་འཕགས་པས་ན་ལྷ་མོ་དབྱངས་ཅན་མ་སྟེ། སྙན་ངག་དང་སྙན་ངག་པའི་མཚོན་བྱེད་ལ་ཁྱེད་ལས་ལྷག་པ་ཞིག་ཅི། དེ་བས་ངས་རང་གི་བརྩམས་ཆོས་དག་ལ<<དབྱངས་ཅན་སྤྲུལ་པའི་གླེགས་བམ>>ཞེས་དང། གློག་དྲ་འདིར་ཡང<དབྱངས་ཅན་སྒྱུ་འཕྲུལ་དྲ་བ>ཞེས་འདོགས་དོན་ཡང་སེམས་པའི་མཛེས་སྡུག་ཅིག་གི་འཚོལ་སྙེག་ལས་མ་འདས་ཏེ། དེ་ནི་ཁྱོད་དམ་ཁྱོད་ཀྱི་གོ་འཕང་ཉིད་དོ། ༢༠༠༩་༡༡་༡༦།

བོད་དོན་གསར་འགྱུར་རྩོམ་གསར་སོགས། དེ་རིང་སྒོ་བྱང་ངོས་ལ་གཟིགས། གལ་ཆེའི་བཀའ་སློབ་ཡིག་ཆ་སོགས། རིན་ཆེན་གསང་བའི་གཏེར་ལས་བཞེས། སྣ་ཚོགས་འདོད་འཇོའི་གླིང་ཕྲན་འདིར། ལན་ཅིག་ཕེབས་དང་རྒྱང་རིང་གྲོགས། ངལ་དུབ་སེལ་བའི་ལམ་རྒྱགས་མང།

སྟག་ལོའི་ཚེས་གཅིག་ནས་དྲ་སྒོ་ཕྱེས། བོད་ནང་ལ་ད་དུང་ཡང་ལྟ་ཀློག་ཐུབ་ཀྱིན་ཡོད། དེ་བས་གཅིག་ནས་གཅིག་བརྒྱུད་ཀུན་ཏུ་འགྲེམས་རྒྱུར་སྙིང་ནས་རེ་སྐུལ་དང་སྨོན་ལམ་ཞུ།

བཙན་བྱོལ་བོད་མིའི་བཅའ་ཁྲིམས།