ཕ་ཡུལ་གཉིས་པ་རྡ་ས།

༄།ངའི་ཕ་ཡུལ་གཉིས་པ་དྷ་ས།

མེ་སྒྱོགས་ཀྱི་མདེལ་ཆར་གྱིས་དེད་དེ།
ང་ཚོ་ཧི་མ་ལ་ཡའི་ཕར་རྒྱབ་འདིར་བརྫངས།
གལ་ཏེ་བྱམས་སེམས་ཆེ་བའི་རི་རྒྱུད་འདི་མེད་ན།
ང་ཚོ་རི་དྭགས་བཞིན་གང་ཞིག་ཏུ་འཁྱམས་ཏེ་ཇི་ལྟར་ཤི་ཡོད་ཨང༌།
དྷ་རམ་ས་ལ་མི་ཡུལ་ས་མཐའ་མ་ཡིན་ང་ཡི་ཕ་ཡུལ་གཉིས་པ་ཡིན།

མི་ལོ་བཞི་བཅུའི་ལོ་ཟླ་མཛུབ་མོས་བགྲངས་ཏེ།
མི་རབས་གཅིག་གི་ལང་ཚོ་འདི་རུ་ཟད་ན་ཡང༌།
ང་ཚོའི་འཚོ་བ་སྔར་ལས་ཕུན་སུམ་ཚོགས།
གལ་ཏེ་རྒྱ་གར་སྤུན་ཟླའི་འཛུམ་མདངས་མེད་གྱུར་ན།
ང་ཚོ་སྤྲང་འཁྱམས་བཞིན་དུ་ཇི་ལྟར་མི་སྐྱོ་འམ།
རྒྱ་གར་མི་དམངས་གཞན་མི་མ་ཡིན་ང་ཡི་ཕ་མ་གཉིས་པ་ཡིན།

འཕགས་བོད་མཛའ་མཐུན་ཚོགས་པའི་ལྗོན་བཟང་འདིའི།
ཆོས་འབྲེལ་ས་བོན་ལོ་སྟོང་སྔོན་ནས་བཏབ།
མཛའ་བརྩེའི་མྱུ་གུ་ད་ལྟའི་བར་དུ་རྒྱས།
ཞི་བདེའི་འབྲས་བུ་སྨིན་པའི་དགའ་སྟོན་དཔལ།
ཧི་མ་ལ་ཡའི་ཚེ་དང་མཉམ་གནས་ཤོག
རྒྱ་གར་འཕགས་ཡུལ་རྒྱལ་ཁམས་གཞན་མིན་ང་ཡི་རྒྱལ་ཁབ་གཉིས་པ་ཡིན། །

༄༅།།རོལ་རྩེད་གར་གྱི་ཉམས་ལྡན་རི་དྭགས་མིག །མིག་གིས་ལྟ་བར་མི་ངོམས་ཡིད་འཕྲོག་མ། །མ་ལྟར་བརྩེ་བ་ཁྱོད་ཀྱིས་བདག་གི་ངག །ངག་དབང་ལྷ་མོ་ཉིད་དང་མཚུངས་པར་མཛོད།

ཤེས་རབ་དང་བྱམས་བརྩེའི་དྭངས་མ། སྒྲ་སྙན་དང་ལང་ཚོའི་ཡང་རྩེར་འཕགས་པས་ན་ལྷ་མོ་དབྱངས་ཅན་མ་སྟེ། སྙན་ངག་དང་སྙན་ངག་པའི་མཚོན་བྱེད་ལ་ཁྱེད་ལས་ལྷག་པ་ཞིག་ཅི། དེ་བས་ངས་རང་གི་བརྩམས་ཆོས་དག་ལ<<དབྱངས་ཅན་སྤྲུལ་པའི་གླེགས་བམ>>ཞེས་དང། གློག་དྲ་འདིར་ཡང<དབྱངས་ཅན་སྒྱུ་འཕྲུལ་དྲ་བ>ཞེས་འདོགས་དོན་ཡང་སེམས་པའི་མཛེས་སྡུག་ཅིག་གི་འཚོལ་སྙེག་ལས་མ་འདས་ཏེ། དེ་ནི་ཁྱོད་དམ་ཁྱོད་ཀྱི་གོ་འཕང་ཉིད་དོ། ༢༠༠༩་༡༡་༡༦།

བོད་དོན་གསར་འགྱུར་རྩོམ་གསར་སོགས། དེ་རིང་སྒོ་བྱང་ངོས་ལ་གཟིགས། གལ་ཆེའི་བཀའ་སློབ་ཡིག་ཆ་སོགས། རིན་ཆེན་གསང་བའི་གཏེར་ལས་བཞེས། སྣ་ཚོགས་འདོད་འཇོའི་གླིང་ཕྲན་འདིར། ལན་ཅིག་ཕེབས་དང་རྒྱང་རིང་གྲོགས། ངལ་དུབ་སེལ་བའི་ལམ་རྒྱགས་མང།

སྟག་ལོའི་ཚེས་གཅིག་ནས་དྲ་སྒོ་ཕྱེས། བོད་ནང་ལ་ད་དུང་ཡང་ལྟ་ཀློག་ཐུབ་ཀྱིན་ཡོད། དེ་བས་གཅིག་ནས་གཅིག་བརྒྱུད་ཀུན་ཏུ་འགྲེམས་རྒྱུར་སྙིང་ནས་རེ་སྐུལ་དང་སྨོན་ལམ་ཞུ།

བཙན་བྱོལ་བོད་མིའི་བཅའ་ཁྲིམས།