༄༅།མགོན་པོ་ཐུགས་རྗེ་ཆེ་ལྡན་པ། །ཐམས་ཅན་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང། །དེ་བཞིན་གཤེགས་ལ་ཕྱག་འཚལ་ལོ།

།དག་པས་འདོད་ཆགས་བྲལ་བར་གྱུར། །དགེ་བས་ངན་སོང་ལས་གྲོལ་ཅིང། །གཅིག་ཏུ་དོན་དམ་མཆོག་གྱུར་པ། ཞི་གྱུར་ཆོས་ལ་ཕྱག་འཚལ་ལོ།

།གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གནས།

།ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། 

༑སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ཅག་སྐྱབས་སུ་མཆི།

།འགྲོ་ཀུན་ཚོཊ་གཉིས་ས་བོན་ཅི་བཏབ་མཐུས། །རྒྱལ་བ་དཔག་བསམ་ལྗོན་དབང་མྱུར་འགྲུབ་ཤོག།

༄༅།སྨྲ་བསམ་བརྗོད་འདས་ཤེས་རབ་ཕ་རོལ་ཕྱིན། །མ་སྐྱེས་མ་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ།

།བྱང་ཆུབ་སེམས་མཆོག་རིན་པོ་ཆེ། །མ་སྐྱེས་པ་རྣམས་སྐྱེ་བ་དང། །སྐྱེས་པ་ཉམས་པ་མེད་པ་ནས། །གོང་ནས་གོང་དུ་འཕེལ་བར་ཤོག

།གང་ལ་སེམས་ཀྱི་རིན་ཆེན་དམ་པ་དེ། སྐྱེས་པ་དེ་ཡི་སྐུ་ལ་ཕྱག་འཚལ་ཞིང།

།གང་ལ་གནོད་པ་བྱས་ཀྱང་བདེར་འབྲེལ་བ། །བདེ་བའི་འབྱུང་གནས་དག་ལ་སྐྱབས་སུ་མཆི།

༑སེམས་ཅན་བདེ་དང་ལྡན་པ་དང། །སྡུག་བསྔལ་དང་ནི་བྲལ་བ་དང།

།བདེ་ལ་རྟག་ཏུ་གནས་པར་དགའ། །མཉམ་ཉིད་བཏང་སྙོམས་ལ་གནས་ཤོག།

རིས་མེད་ཐུབ་བསྟན་འཛིན་པའི་དམ་པ་རྣམས། །སྐུ་ཚེ་ཞབས་བརྟན་འཕྲིན་ལས་ཕྱོགས་མཐར་རྒྱས།

།དགེ་འདུན་སྡེ་དང་བཤད་སྒྲུབ་བསྟན་པ་དར། ས་གསུམ་བཀྲ་ཤིས་སྣང་བས་ཁྱབ་གྱུར་ཅིག།

༑སྟོང་ཉིད་སྙིང་རྗེ་ཟུང་དུ་འཇུག་པའི་ལམ། །ཆེས་ཆེར་གསལ་མཛད་གངས་ཅན་བསྟན་འགྲོའི་མགོན།

།ཕྱག་ན་པད་མོ་བསྟན་འཛིན་རྒྱ་མཚོ་ལ། །གསོལ་བ་འདེབས་སོ་བཞེད་དོན་ལྷུན་འགྲུབ་ཤོག།

བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།

།དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།